رد المستشار تركي آل الشيخ، على محمد علي خير، وذلك بعد وصف الأخير له بالصياد الماهر، على خلفية دعم دعمه للملحن نادر نور بعد حديثه عن الصعوبات التى واجهها خلال السنوات الماضية فى العودة إلى الساحة الفنية.
تركي آل الشيخ يرد على محمد علي خير
وكان قد كتب محمد على خير ، عبر حسابه الرسمى على فيسبوك: تركي ال الشيخ صياد ماهر، نادر نور ملحن له أعمال متميز.. هو خارج الوسط منذ سنوات.. كتب بوست عن حاله.. تركى ال الشيخ بعت له انه سيتعاون معه، اتفق.. اختلف مع تركى.. لكن لا تنكر أنه صياد ماهر وبيشوط ف المقص.
ليرد عليه المستشار تركى آل الشيخ عبر حسابه الرسمى على فيسبوك: اخى محمد أنا مش صياد ولا بحب الصيد ولا بيهمنى الصيد أنا بحط نفسى مكان الشخص وبتخيل نفسى لو مكانه وأنا رديت عليه فى العلن رساله لـ أصحابه الى كنت أتمنى منهم ينتبهو لبعض! تحياتي.
الملحن نادر نور يشكو من قلة العمل
والجدير بالذكر أن المطرب والملحن نادر نور كان قد كشف عن معاناته خلال الفترة الأخيرة، متحدثًا عن ابتعاده عن الساحة الغنائية والصعوبات التى واجهته فى محاولات العودة إلى الوسط الفنى خلال السنوات الماضية، وكتب نادر عبر حسابه الرسمى على فيسبوك: باعتذر لكل الناس اللى بتبعتلى كلمات أغانى من فضلكم متبعتوش تانى.. معنديش مشاريع شغال عليها ولا نجوم بتسمع منى اغانى ولا عندى حاجة أقدر اساعدك بيها لأنى ببساطة محتاج اللى يساعدني.
وأضاف: وللناس اللى بتتهمنى بالكسل والتقصير أنا فعلا بعدت فترة لأسباب شخصية وباحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الاغلبية العظمى داخل الوسط الغنائى منهم نجوم اشتغلت ونجحت معاهم ومنهم اللى بحاول اشتغل معاه للمرة الأولى ومنهم اللى عشرة عمر ومشوارنا بدأناه مع بعض واحلام حلمناها ونجاحات حققناها سوا واللى بيرد على التليفون مرة مبيردش تانى وبقيت احس بالرفض وعدم التقبل وانا مش متعود ازن على حد أو اطلب الحاجة أكتر من مرة بشكل يقلل منى ومن احترامى لنفسى بعد كل اللى قدمته حتى لو كان قليل فهو كبير من وجهة نظري.
دعم تركي آل الشيخ لـ الملحن نادر نور
واختتم: أخيراً معنديش مشاكل مع حد ولا باكتب الكلام ده لكسب تعاطف حد وكل الاحترام والتوفيق لزملائى انا مش زعلان من حد.. وآسف على الاطالة، ليرد عليه المستشار تركى آل الشيخ، رئيس هيئة الترفيه السعودية، عبر حسابه الرسمى على فيسبوك: انت فنان كبير وأنا حابب اشتغل معاك.
0 تعليق